కేంద్ర కేబినెట్‌ సంచలన నిర్ణయం తీసుకుంది. దేశవ్యాప్తంగా ఒకేసారి పార్లమెంట్‌ , అసెంబ్లీ ఎన్నికలు నిర్వహించేలా జమిలి ఎన్నికలకు కేంద్ర కేబినెట్‌ నుంచి గ్రీన్‌ సిగ్నల్‌ లభించింది. బుధవారం ప్రత్యేకంగా సమావేశమైన కేంద్ర క్యాబినెట్‌.. వన్‌ నేషన్‌, వన్‌ ఎలక్షన్‌ నిర్వహణపై రామ్‌నాథ్‌ కోవింద్‌ కమిటీ రూపొందించిన నివేదికకు నేడు (బుధవారం) ఆమోదం తెలిపింది. రానున్న శీతాకాల సమావేశాల్లో జమిలి ఎన్నికల బిల్లును పార్లమెంట్‌లో ప్రవేశపెట్టబోతోంది. ‘ఒకే దేశం, ఒకే ఎన్నికలు’ ప్రతిపాదనకు కేంద్ర ప్రభుత్వం బుధవారం ఆమోదముద్ర వేసింది. కాగా.. గత నెల జరిగిన స్వాతంత్య్ర దినోత్సవ వేడుకల సందర్భంలో ప్రధాని నరేంద్ర మోదీ జమిలి ఎన్నికలపై ప్రత్యేకంగా వ్యాఖ్యానించారు. దేశంలో వివిధ సమాయాల్లో ఎన్నికలు నిర్వహించడం వల్ల అనేక సమస్యలు తలెత్తుతున్నాయని, ప్రభుత్వ పథకాల అమలుకు కూడా ఇబ్బందులు ఏర్పడుతున్నాయని, అందువల్ల ఒకే దేశం, ఒకే ఎన్నికలు నిర్వహించడంపై తాము అధ్యయనం చేస్తున్నామని అన్నారు. ఈ క్రమంలోనే రామ్‌నాథ్‌ కోవింద్‌ అధ్యక్షతన ఓ కమిటిని ఏర్పాటు చేసి జమిలి ఎన్నికలపై రిపోర్ట్‌ తయారు చేయాలని కోరారు. తాజాగా రామ్‌నాథ్‌ కోవింద్‌ రిపోర్టు పూర్తి చేయగా.. నేడు ఆ రిపోర్టుపై కేంద్ర క్యాబినెట్‌ ఆమోద ముద్ర వేసింది.
విస్తృత చర్చలు
వన్‌ నేషన్‌, వన్‌ ఎలక్షన్‌ ప్రతిపాదన కోసం మాజీ రాష్ట్రపతి రామ్‌నాథ్‌ కోవింద్‌ కమిటీ వేసింది కేంద్ర ప్రభుత్వం. 8 మంది సభ్యులతో కూడిన కమిటీని ఏర్పాటు చేశారు. ఇందులో లోక్‌సభ, రాష్ట్ర అసెంబ్లీలు, స్థానిక సంస్థలకు ఒకేసారి ఎన్నికలు నిర్వహించే అవకాశాలపై మాజీ రాష్ట్రపతి కమిటీ సభ్యులతో చర్చించారు. ఎన్నికలకు సంబంధించి అన్ని పార్టీల అభిప్రాయాలను, రాష్ట్రాల సవాళ్లను కమిటీ పరిశీలించింది. సుదీర్ఘంగా చర్చించిన అనంతరం రామ్‌నాథ్‌ కోవింద్‌ కమిటీ ఇచ్చిన నివేదిక ఆధారంగా కేంద్ర కేబినెట్‌ ఆమోద ముద్ర వేసింది. ‘ఒక దేశం, ఒకే ఎన్నికలు’ అనే ఆలోచన 1980లలో మొదటిసారిగా ప్రతిపాదించారు. జస్టిస్‌ బిపి జీవన్‌ రెడ్డి నేతృత్వంలోని లా కమిషన్‌ మే 1999లో తన 170వ నివేదికలో లోక్‌సభ తోపాటు అన్ని రాష్ట్రాల శాసనసభలకు ఒకేసారి ఎన్నికలు జరగాలని అభిప్రాయపడిరది. ఈ నేపథ్యంలోనే మాజీ రాష్ట్రపతి రామ్‌నాథ్‌ కోవింద్‌ కమిటీ వేసింది కేంద్ర ప్రభుత్వం. ఏకకాల ఎన్నికలపై ఉన్నత స్థాయి కమిటీ తన విస్తృతమైన 18,626 పేజీల నివేదికను మార్చి 2024లో రాష్ట్రపతి ద్రౌపది ముర్ముకు సమర్పించింది.
సానుకూలంగా
ముఖ్యంగా, మాజీ రాష్ట్రపతి రామ్‌నాథ్‌ కోవింద్‌ నేతృత్వంలోని ఈ కమిటీ రాజకీయ, సామాజిక రంగాల్లోని వివిధ వ్యక్తుల అభిప్రాయాలను సేకరించేందుకు సమగ్ర సంప్రదింపులు జరిపింది. నివేదిక ప్రకారం, 47 రాజకీయ పార్టీలు తమ అభిప్రాయాలను పంచుకున్నాయి. 32 పార్టీలు ఏకకాల ఎన్నికల భావనకు మద్దతు ఇచ్చాయి. అదనంగా, వార్తాపత్రికలలో ప్రచురించిన పబ్లిక్‌ నోటీసు పౌరుల నుండి 21,558 ప్రతిస్పందనలు వచ్చాయి. వీరిలో 80% మంది ప్రతిపాదనకు అనుకూలత వ్యక్తం చేశారు. నలుగురు మాజీ ప్రధాన న్యాయమూర్తులు, ప్రధాన హైకోర్టుల నుండి పన్నెండు మంది మాజీ ప్రధాన న్యాయమూర్తులు, నలుగురు మాజీ చీఫ్‌ ఎలక్షన్‌ కమిషనర్‌లతో సహా న్యాయ నిపుణులు కూడా తమ అభిప్రాయాలు వ్యక్తం చేశారు. ఈ చర్చల్లో భారత ఎన్నికల సంఘం అభిప్రాయాలను కూడా పరిగణనలోకి తీసుకున్నారు. కాన్ఫెడరేషన్‌ ఆఫ్‌ ఇండియన్‌ ఇండస్ట్రీ (%జII%), ఫెడరేషన్‌ ఆఫ్‌ ఇండియన్‌ ఛాంబర్స్‌ ఆఫ్‌ కామర్స్‌ %డ% ఇండస్ట్రీ (%ఖీIజజI%), అసోసియేటెడ్‌ ఛాంబర్స్‌ ఆఫ్‌ కామర్స్‌ అండ్‌ ఇండస్ట్రీ ఆఫ్‌ ఇండియా (%AూూూజనAవీ%) వంటి అగ్రశ్రేణి వ్యాపార సంస్థలు, ప్రముఖ ఆర్థికవేత్తలతో కలిసి పరిశీలించడానికి సంప్రదించారు. అసమకాలిక ఎన్నికల ఆర్థిక ప్రభావాలు. అస్థిరమైన ఎన్నికలు ద్రవ్యోల్బణ ఒత్తిళ్లకు దారితీస్తాయని, ఆర్థిక వృద్ధి మందగించవచ్చని, ప్రజా వ్యయాలకు, సామాజిక సామరస్యానికి భంగం కలిగిస్తుందని ఈ సంస్థలు స్పష్టం చేశాయి.