.jpg)
చలికాలంలో శరీరాన్ని వెచ్చగా ఉంచే ఆహారపదార్థాలను తీసుకోవాలి. అందుకే చలికాలంలో సూప్‌లు, వేడివేడి పదార్థాలు తీసుకోవాలని చాలా మంది సూచిస్తుంటారు. ఇది కాకుండా రోగనిరోధక శక్తిని పెంచే ఆహారాలను కూడా ఎంచుకోవాలి. రోగ నిరోధక శక్తిని పెంపొందించడం ద్వారా చలికాలంలో వచ్చే సీజనల్‌ వ్యాధులను దూరం చేసుకోవచ్చు. ముఖ్యంగా చలికాలంలో పండ్లు తప్పనిసరి. అలాగే చలికాలంలో సహజంగా చర్మం పొడిబారటం, పగిలిపోవటం జరుగుతుంది. ఇలాంటి ఇబ్బందుల నుండి బయటపడటంతో పాటు చర్మాన్ని అందంగా,కాంతివంతంగా మలచటంలో పండ్లు ఎంతో దోహదం చేస్తాయి. అందువల్ల ఈ శీతాకాలంతో ఎలాంటి పండ్లు తినాలో, ఏవి తినకూడదో తెలుసుకోవడం చాలా ముఖ్యం.
పియర్‌
పియర్‌ చలికాలంలో తినాల్సిన పండు. అంతేకాకుండా చలికాలంలో లభించే పండ్లలో ఇది ఒకటి. దీని రసం ఆరోగ్యానికి మంచిది. పిల్లలు కూడా దీన్ని ఇష్టపడతారు. అదనంగా, ఇది ప్రేగులను శుభ్రపరచి ఆరోగ్యవంతంగా చేయటంలో సహాయపడుతుంది మరియు బరువు తగ్గడానికి సహాయపడుతుంది. బేరిపండ్లలో విటమిన్‌ సి మరియు ఇ వంటి యాంటీ ఆక్సిడెంట్లు ఉంటాయి. అంతే కాకుండా ఇందులోని యాంటీ ఇన్‌ఫ్లమేటరీ గుణాలు శరీరంలో మంటను తగ్గిస్తాయి.
ఆపిల్‌
రోజూ ఒక యాపిల్‌ తింటే డాక్టర్‌ దగ్గరకు వెళ్లాల్సిన అవసరం ఉండదు అనేది నానుడి. అలాగే యాపిల్‌ అన్ని సీజన్లలో లభించే పండు. మీరు ఫిట్‌గా ఉండాలనుకుంటే, ప్రతిరోజూ ఒక యాపిల్‌ తినండి. ఆపిల్స్‌లో విటమిన్‌ ఎ, ఫైబర్‌ మరియు పొటాషియం వంటి పోషకాలు ఉంటాయి. రోజూ యాపిల్‌ తినడం వల్ల మెదడు మరియు శరీర అభివృద్ధి మెరుగుపడుతుంది. చలికాలంలో ఫిట్‌గా ఉండాలంటే ఆపిల్‌ లేదా ఆపిల్‌ జ్యూస్‌ తాగండి. రోజూ ఆపిల్స్‌ తినడం వల్ల చలికాలంలో మీ బరువును అదుపులో ఉంచుకోవచ్చు.
జామకాయ
చలికాలంలో జామపండు తినకూడదని చాలా మంది చెబుతుంటారు. కానీ ఇది శీతాకాంలో లభించే సీజనల్‌ ఫ్రూట్‌. చలికాలంలో దీన్ని తినడం వల్ల మరెన్నో ప్రయోజనాలు ఉన్నాయి. సీజనల్‌ పండ్లు శారీరానికి ఎప్పుడూ మేలు చేస్తాయి. చలికాలంలో జామ పండు తింటే పొట్ట శుభ్రపడుతుంది. అదే సమయంలో జలుబు సమస్య దూరమవుతుంది. అంతే కాదు జామపండుతో విటమిన్‌ సి, ఇతర పోషకాలు లభిస్తాయి. ఇవి రోగనిరోధక శక్తిని పెంపొందించడానికి సహాయపడతాయి.
రేగు పండ్లు
చలికాలంలో రేగు పండ్లను తినటం మంచి విషయమే. రేగు పండ్లు కూడా ఈ సీజన్లో మాత్రమే లభించే పండు. రేగు పండ్లలో యాంటీ ఆక్సిడెంట్లు ఉంటాయి. రోగనిరోధక శక్తిని పెంచడంలో ఇది ప్రభావవంతంగా ఉంటుంది. అదనంగా, రేగులో యాంటీ కార్సినోజెనిక్‌ లక్షణాలు ఉన్నాయి. చలికాలంలో రేగు పండ్లను తింటే శరీరానికి బలం చేకూరుతుంది. ఇది శీతాకాలంలో సులభంగా లభించే పండు కూడా.దానిమ్మ
దానిమ్మ పండ్లలో టన్నుల కొద్ది యాంటీఆక్సిడెంట్లను కలిగి ఉంటాయి. ఇది క్యాన్సర్‌ వ్యాధి నివారణకు సహాయపడుతుంది. మీ శీతాకాలపు ఆహారంలో దానిమ్మ పండ్లను జోడిరచడం ద్వారా అనేక ఆరోగ్యకరమైన ప్రయోజనాలను మరియు తీపి పుల్లని రుచిని ఆస్వాదించవచ్చు. శీతాకాలపు ప్రయాణాల్లో ఒక గ్లాసు దానిమ్మ రసాన్ని తీసుకుంటే అనేక ఆరోగ్య ప్రయోజనాలు పొందవచ్చు.
నారింజ
శీతాకాలంలో విరివిగా లభించే ముఖ్యమైన పండ్లలో నారింజ ఒకటి. నారింజ పండ్లను మీరు ప్రయాణ సమయంలో స్నాక్‌ ఫుడ్గా కూడా తీసుకోవచ్చు. అయితే, నారింజ శీతాకాలపు పంట కానప్పటికీ, ఎల్లప్పుడూ అన్ని సీజన్లలో అందుబాటులో ఉంటాయి. నారింజ పండ్లలో పుష్కలమైన పోషకాలు మరియు విటమిన్‌ డి లభిస్తుంది
అరటి
శీతాకాలం సీజన్లో చాలా చౌకగా మరియు లభించే పండ్లలో అరటి ముఖ్యమైనది. అరటిపండ్లలో పొటాషియం ఎక్కువగా లభిస్తుంది. ఇది ఆందోళన మరియు ఒత్తిడి స్థాయిలను తగ్గించడంలో సహాయపడుతుంది. అంతేకాక కణాలను బలోపేతం చేయడానికి మరియు నిర్మించడానికి సహాయపడే బి`6 విటమిన్‌ దీనిలో పుష్కలంగా లభిస్తుంది. మీరు అరటిపండ్లను ముక్కలుగా చేసి, రుచికరమైన పండ్ల కప్పును తయారు చేయవచ్చు.
కాన్‌ బెర్రీస్‌
కాన్‌ బెర్రీస్లో యాంటీ ఆక్సిడెంట్లు మరియు పోషకాలు అధికంగా లభిస్తాయి. ఇది క్యాన్సర్లు, గుండె జబ్బులు మరియు మంటల నివారణకు సహాయపడుతుంది. శీతాకాలంలో సాధారణంగా వచ్చే జలుబును ఎదుర్కోవాలనుకుంటే కాన్‌ బెర్రీస్‌ ఎక్కువగా తీసుకోవాలి.
పైనాపిల్‌
పైనాపిల్లో విటమిన్‌ సి మరియు మాంగనీస్‌ అనే చాక్‌ నిండి ఉంటుంది. ఇది మీ శరీరంలోని ఎముకలు ఏర్పడటానికి మరియు రక్తంలో చక్కెర స్థాయిని తగ్గించడంలో సహాయపడుతుంది. ఫైనాపిల్‌ పండ్లలో చక్కని పోషకాలు లభిస్తాయి.
కివీ
కివీ పండ్లలో విటమిన్‌ సితో పాటు విటమిన్‌ ఇ మరియు కె పుష్కలంగా లభిస్తుంది. కివీస్‌ పండ్లు ఎంతో రుచికరంగా ఉంటాయి. ఇవి మనిషికి ఆరోగ్యాన్ని ప్రసాదిస్తాయి. ఈ శీతాకాలంలో చలిని ఎదుర్కోవటానికి కివీస్‌ పండ్లను తీసుకోవడం ఎంతో ఉత్తమం